阿爷要人三更死，谁敢留人到五更

文章内容

係唔够真阿爷玩.. 我认输啦.

去拍野算啦..

阿爷要人三更死，谁敢留人到五更

中央口口声说支持梁振英, 但梁根本是个负累, 要甩掉这包袱如何是好?



www.hkej.com/template/..._id=718802
2014年10月9日

方卓如


唔使用剑嘅

北京的阴霾有几严重？飞机要飞近10分鐘先至可以见番个蓝天，证明呢层烟厚得几紧要。

绝非长期仇家

佔中已经成为北京见到香港人的第一话题，佢哋喺电视见到嘅画面一样，会係点嘅报道你同我都知。至於佢哋係咪可以知道详情，就靠大家点样答问你嘅人喇。就算你唔落垱参与佔领运动，唔代表你对个运动无参与。

喺呢个紧张时候，爆单秘密收款嘅事件出嚟，掌握呢样资料嘅团体，一定唔係佢嘅长期仇家。秘密收款协议，公司唔知，清盘人唔知，得畀钱同收钱人知，最多包括埋佢哋嘅律师，性质上是秘密协议。秘密协议本身无问题，问题係协议嘅内容关於乜嘢同协议嘅目的。收购人哋公司，叫人哋公司嘅领导人唔好走出嚟竞争，係好合情合理，但一定係被收购嘅公司知情。枱底畀钱人哋公司嘅领导，无论笔钱嘅名目係如何，畀钱嘅目的梗係想你唔好阻头阻势。董事对公司有fiduciary duty，背住公司收钱，仲係公司嘅收购人，得㗎咩？

一人一份嘅协议，外人唔会有。唡三年前签嘅文件，手握文件嘅人唔会喺近期咁风头火势嘅时候，会咁厉害喺澳洲搵番出嚟。用澳洲传媒嚟引爆，因为本地传媒喺而家剑拔弩张嘅时势已经无一份令人觉得有公信力，只有一份无仇无怨嘅澳洲传媒才会畀人中肯的感觉。有这份咁juicy嘅文件，如果係长期仇人，老早就攞出嚟做佢，唔会等咁耐。

什么也有可能

而家呢个时候出手嘅，除咗係有本事（有文件在手）、有智慧（识拣媒体）同有用心（骆驼背上最後一根稻草）。呢个世界高人云集，乜嘢都可以发生，政治嘅嘢几唔可能都有，枢机爷爷唔好咁纯情啊。